El próximu llunes, 26 de mayu, asamblea abierta. Siguimos construyendo la solidaridá 🧡
Esperámosvos!💪🏽
🔸ARTE POLES 6🔸
ESPOSICIÓN NOS CHIGRES L’ARGAYU Y LES ACEÑES D’AVILÉS
INAUGURACIÓN:
📅SÁBADU 5 D’ABRIL.
⏰19:00 h.
📌CHIGRE L’ARGAYU. PLAZA’L CARBAYÉU 51. AVILÉS. ASTURIES.
ESPERÁMOSVOS🧡💪🏽
El talentu del arte gráficu solidarizáu con Les 6 de La Suiza
Tres la esitosa presentación en varios llocales de la hostelería xixonesa, el grupu Sofitu a Les 6 de La Suiza presenta en Mieres la Esposición Arte poles 6, una colleición de 40 obres d’arte gráficu que s’esponen na llibrería-café La Llocura. El vienres, 21, a les 18’30 h, fadráse ellí un actu públicu de presentación.
Trátase d’una orixinal esposición de 40 imáxenes creaes por destacaes artistes gráfiques comu amuesa de solidaridá coles trabayaores y sindicalistes del conocíu casu
Les 6 de La Suiza, condergaes pol aparatu represor del Estáu por exercer los sos llexítimos drechos sindicales.
Nel actu presentación de la esposición Arte poles 6 van participar l’artista gráfica Cris Mencía y representantes del grupu Sofitu a Les 6 de La Suiza.
Esta esposición ye una amuesa de cómu l’arte tien la capacidá de frañer les muries de silenciu coles que’l poder quier arrodiar la llucha de la clas trabayadora. La rempuesta comprometía d’estes artistes ye una demostración descomanada de talentu y tenrura, al tiempu que representa un pasu importante na xeneración concenxa y solidaridá cola causa de les 6 condergaes nel casu La Suiza.
Convitamos a tola xente solidario de Mieres y contorna a visitar la esposición en La Llocura, a los qu’agradecemos enforma la so collaboración.
🎹1 lletrista + 5 músicos + 13 cantantes = 1 canciu solidariu pa Les 6 de La Suiza🧡 L’estribillu va cancialu tol mundiu: “Nun ye delitu”✊ Presentación 24/1/25, 19 h, Casa’l Chinu, Cimavilla (Xixón). Con presencia los artistes. Presentación en formatu videoclip y acústicu. ¿Vas perdételo?
Martes 21 de xineru
19.00h
Casa’l pueblu (Cai Llanes, 11, Xixón)
Nes cais de Madrid pronto se va poder ver otra amuesa de solidaridá con Les 6 de La Suiza y a sintir miles de voces glayando que facer sindicalismu nun ye delitu.
La Plataforma Madrid poles 6 de La Suiza convoca un manifestamientu pola llibertá d’estes compañeres. Va ser el sábadu, 8 de febreru, a les 12 h., con salida n’Atocha y llegada na Plaza Jacinto Benavente.
El grupu Sofitu a Les 6 de La Suiza organiza un autocar gratuitu dende Asturies p’acudir a esti actu. Va salir de Xixón haza les 5 h la mañana y saldrá de Madrid haza les 17’30 h. Va facese parada n’Uviéu.
Pa reservar plaza nel autocar ta disponible un formulariu dixital nesti enllaz…
Nel formulariu rexístrase nome, apellíos, corréu lletrónicu y teléfonu móvil.
A les persones inscrites confirmaráse-yos por corréu lletrónicu que disponen de plaza.
Díes enantes del viax va pidise a la xente inscrito que confirme la so reserva.
L’oxetivu ye dir a Madrid con toles places ocupaes, polo que si una vegada rexistráu daquién nun pue viaxar encamiéntase-y qu’avise rápidamente a la organización.
Los viaxeros van disponer d’ún teléfonu de contautu pa incidencies rellacionaes col viax.
Sabemos que vamos cuntar cola másima responsabilidá de toes nel procesu de reserva places. Gracies anticipaes por participar nesti actu solidariu en Madrid.
El talentu del arte gráficu solidarizáu con Les 6 de La Suiza
El grupu Sofitu a Les 6 de La Suiza va presentar la Esposición Arte poles 6, una colleición de 39 obres d’arte gráficu que s’esponen repartíes en tres conocíos llocales xixoneses. El sábadu, 11, a les 19 h., fáese la presentación nel café-llibrería La Habitación Propia y a les 21 h. na cervecería Vendetta. El domingu, 12, a les 13 h., hai una presentación con sesión vermut nel bar La Vida Alegre.
Trátase d’una orixinal esposición de 39 imáxenes creaes por destacaes artistes gráfiques comu amuesa de solidaridá coles trabayaores y sindicalistes del conocíu casu Les 6 de La Suiza, condergaes pol aparatu represor del Estáu por exercer los sos llexítimos drechos sindicales.
Nel actu presentación de la esposición Arte poles 6 van participar l’artista gráfica Cris Mencía y representantes del grupu Sofitu a Les 6 de La Suiza.
Esta esposición ye una amuesa de cómu l’arte tien la capacidá de frañer les muries de silenciu coles que’l poder quier arrodiar la llucha de la clas trabayadora. La rempuesta comprometía d’estes artistes ye una demostración descomanada de talentu y tenrura, al tiempu que representa un pasu importante na xeneración concenxa y solidaridá cola causa de les 6 condergaes nel casu La Suiza.
Convitamos a tola xente solidario de Xixón a conocer la esposición nesos tres llocales, a los qu’agradecemos enforma la so collaboración.
Finó la campaña de financiación popular entamada pola CNT y el grupu Sofitu a Les 6 de La Suiza. La valoración ye, más que positiva, emocionante, porque foi toa una amuesa pal poder y los sos preseos de represión de que la solidaridá de la clas
trabayaora ye una ferramienta viva y poderosa. Donaciones de persones y organizaciones de llugares y sensibilidaes estremaos dieron llugar a un fondu de más de 95.000 €, col qu’atender gastos llegales, sanciones y, en parte, les consecuencies que tien la represión sobro les condiciones de vida de les condergaes.
Van yá cuasi ocho años de persecución policial y xudicial, de sentencies inxustes con sanciones y penes de prisión pa seyes compañeres, namái por defender los drechos llaborales y exercer los drechos sindicales que reconocen les propies lleis del sistema.
Pronto se xeneró, n’Asturies y fora d’ella, un gran movimientu popular de defensa d’estes compañeres y de los drechos de toos. La collaboración xeneral fizo posible que’l casu de Les 6 de La Suiza seya preba incontestable de que l’Estáu español sigue valiéndose de los preseos represivos de siempres pa torgar la llucha de la clas trabayadora, fasta un puntu talu qu’invalida poder falar de réxime democráticu.
Pero p’atender les repersuciones económiques de la represión yera imprescindible una rempuesta popular importante. Y acaba dase. Ñidiamente. La solidaridá obrera acaba de tresmitir a cada condergada la seguranza de que nun ta sola nin énte la represión nin énte les sos consecuencies. Esi sentimientu, ñacíu del sofitu solidariu, ye impagable. Y permite ver una realidá perafitada: la represión nun va aparar
la llucha de les trabayadores.
Poro, dende’l grupu Sofitu a Les 6 de La Suiza, nun podemos menos que dar les gracies a tola xente que collaboró na defensa d’estes compañeres y na campaña de financiación popular. Persabemos que la so llucha ye la de toes. Pero non por ello amueses de compromisu social como éstes tienen de quedar silenciaes.
Munches gracies. Siguimos xuntes na llucha.
Nestes feches pues facer un regalu guai. Regala solidaridá. Regala una cesta de sofitu a Les 6 de La Suiza, condergaes a prisión por exercer los sos drechos sindicales. Encárganosla per privao n’Instagram. Podemos entregátela en man o mandátela per corréu. Pues escoyer una cesta de 30 o de 50 €. Sosprende a la to xente y aída a Les 6 de La Suiza. Bones y solidaries fiestes. En estas fechas puedes hacer un regalo guay. Regala solidaridad. Regala una cesta de apoyo a Las 6 de La Suiza, condenadas a prisión por ejercer sus derechos sindicales. Encárganosla por privaro en Instagram. Podemos entregártela en mano o enviártela por correo. Puedes escoger una cesta de 30 o de 50 €. Sorprende a tu genta y ayuda a Las 6 de La Suiza. Buenas y solidarias fiestas.
Asturianu
Català
English
Castellano